عاجل..ماهي شروط بنك الراجحي للقرض العقاري

غريبة وطن · 23-11-2010, 04:54 AM

ماهي الشروط عند الراجحي لتملك العقار؟
وإن كان الراتب 9000 ريال ماهو القرض المسموح فيه لتملك العقار؟
والأهم من ذلك هل يوافق البنك على شراء العقار إن كان غير مكتمل البناء وباقي عليه شيء بسيط
لأن البنك الاهلي رفض شراء عمارة باقي على اكتمال بنائها القليل فقط!!!!
وهل يمكن لشخص آخر التضامن معي بالراتب وراتبه أعلى من راتبي ومن بنك آآخر

الله يرزقكم الجنة ردوا علي ضروري لأن الموضوع لايحتمل التأخير

شاكرة ومقدرة لكم تعاونكم

abutorky · 23-11-2010, 05:04 AM

إذا أردت نصيحتي فلا تربط نفسك في البنك !!!

لو كان قرض عادي 5 سنين ممكن !!!

لكن قرض عقاري لمدة 15 او 20 سنة وهو يسحب من راتبك النص حرام !!!

لا وفوق هذا العقار ماهو بسمك ولاتتصرف فيه !!!

لو نويت · 23-11-2010, 05:46 AM

اذا اضطريت فالبلاد ارحم لانهم لا سمح الله بحاله الوفاه يسامحون مو الراجحي يسحبه من الورثه .. ربي يطول عمرك ويخليك لعين ترجيك
واذا تبي تشوف كم تاخذ من الراجحي فيه عندهم على موقعهم باليمين شي اسمه حاسبه التمويل اضغط عليها يعطيك كل التمويل الممكن لك مع المده واقصى حد والقسط الشهري لكن ما انصحك فيهم
(- غير كذا العماير الجاهزه ما تستاهل لان كل شغلهم تجاري حدك سنه وراح تعيد ترميم ويمكن اقل من السباكه وغيره ودام راتبك 9 خش بجمعيه لو 5000 شهريا لين يصير معك مبلغ زين وتقدر تزيد عليه قرض شخصي وتبدا حبه حبه .... هذي خطتي بس اهم شي انك تتعامل مع الموضوع بجديه وتوفر من راتبك واذا تقول ما يتوفر منه شي بقول لك كيف بتاخذ قسط بقيمة 4000 اقل شي ولو الاربعه هذي توفرها سنتين ثلاثه وربي يعييننا ويعينك

ابويزيد الحربي · 23-11-2010, 11:52 AM

البلاد ارحم والتضامن اعتقد لازم بنفس البنك

ابو اياد 2010 · 23-11-2010, 12:15 PM

نصيحتي لكاتب الموضوع و لجميع من يشاركنا

اذا راتبك 9 البنك راح يعطيك 160 قرض كاش

و اذا كان معاك شخص متضامن خليه ياخذ قرض كاش ايضا على اعتبار ان البنوك تعطي الى حد 17 راتب

و لنفترض ان اخوك او الشخص المتضامن معه راتبه مثلك او اعلى راح يعطيه البنك من 160 الى ماشاءالله

و اشتروا ارض سكنية محترمة مساحة 600م او حوليها بسعر 300 او اقل من ذلك او اكثر حسب الرغبة و بعد انتهاء القرض بعد 5 سنوات خذوا قرض ثاني و ابنوها دور ارضي كل واحد يسكن في 300م

او بإمكانكم استثمار المبلغ المتحصل عليه في الاراضي بشكل عام

اما القرض العقاري لو حسبتها من كل النواحي راح تطلع خسران في كل الاحوال على الاغلب

و الله اعلم

غريبة وطن · 25-11-2010, 11:09 AM

شكرا للجميع على حسن النصيحة وبارك الله فيكم ............................... تحياتي

البـيداء · 25-11-2010, 12:34 PM

البنك يعطيك على قد المده الي باقيه عن سن التقاعد

يعني لو باقي 20 سنه عن القاعد راح يكون هذا السقف الزمني الاعلى

والتظامن بينك وبين شخص اخر موجود ومافيه اي مشكله لو راتبه اقل او اكثر

اما العماره لازم كون صالحه للسكن يعني الاشياء الاساسيه مثل اللمبات والافياش والابواب والنوافذ لازم تكون موجوده

والنسبه لدى الراجحي 5%

لكن ممكن ننزلها الى 3.9

في حال رغب احد الاعضاء الشراء هذا الرقم للتواصل 0542292880

علما ان لايوجد سعي ولا عموله ولادلاله على المشتري

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم