المنصة العقارية

ابغى مشورتكم

محمد التميمي 222

عقاري متميز
استر ارض عن طريق البنك
وخذ قرض شخصي وكذلك زوجتك
اخي اخذ قرض ارض لمدة 7 سنوات

مدري عن طريقه الشراء عن طريق البنك هل يستطيع بناء الارض او اخذ القرض العقاري مثلا
والارض بأسم البنك لازم الواحد يتأكد قبل يقدم على هذي الخطوه
 

يارب توفيقكك

عقاري نشيط
اخوي
الناس هنا نوعين نوع يبي مصلحته ومصلحة وتنزل الأسعار
ونوع يبي مصلحته وترتفع الأسعار


انا خارج القائمة وبنصحك

اي فرصة تجيك اشتر اي وقت تكون جاهز فيه

لاتقول الأسعار بتنزل

ياخوي لعيون اولادك والناس اللي تحبك وتستاهل اشتر

احتمال كبير نزول لكن بنفس الوقت تعلمنا في السعودية كل شي معقول احتمال ارتفاع رهيب وهذا اللي اتوقعه لاني غسلت يدي من كل كلام الناس والمحللين
 

rooq

rooq
على اي حال نصيحتي لك لا تشتري عقار عن طريق البنك لان فائدتهم تقص الظهر ولكن خذ قرض شخصي وأشتري الارض كاش ، والله أني طبقتها ووفرت كثير ولله الحمد تمنياتي لك بالتوفيق
 

عقاراتنا2030

عقاري متميز
اخوي
الناس هنا نوعين نوع يبي مصلحته ومصلحة وتنزل الأسعار
ونوع يبي مصلحته وترتفع الأسعار


انا خارج القائمة وبنصحك

اي فرصة تجيك اشتر اي وقت تكون جاهز فيه

لاتقول الأسعار بتنزل

ياخوي لعيون اولادك والناس اللي تحبك وتستاهل اشتر

احتمال كبير نزول لكن بنفس الوقت تعلمنا في السعودية كل شي معقول احتمال ارتفاع رهيب وهذا اللي اتوقعه لاني غسلت يدي من كل كلام الناس والمحللين

لا ريح راسك مارايح يرتفع واراهنك على ذالك تدري ليش لان ملاك الاراضي الاشخاص الي بيبعون مايتعدى 20% و 20% متمسكين و60% حقت شركات واحتمال النسبه 70% نصيب القطاعات من شركات ومؤسسات وتجار

يعني 70% رايح يبيعون لان الرسوم رايح تفرض عليهم وتستنزفهم فريح راسك لو مافيه رسوم اشاطرك الراي اما الان الخسف المتوالي بالعقار
 

الكلمه أمانه

عقاري متميز
من ينصح بالشراكه هذا قليل تجربه وخبره
وانصحه يتعرف على صاحب يشتغل بالمحكمه
وكل ليله يحكي له القضايا
الى مايتوب ينصح الناس بالشراكه

يا خي اذا ماعندك خبره كافيه لاتنصح وتورط الرجال
 

Om fahad33

عقاري نشيط
خبرتكم شركة سباكه وكهرباء

اخواني الله يجزاكم الجنه ابحث عن شركة سباكه وكهرباء ممتازين لفلتي الان بدات البناء..الي يعرف لايبخل او سمع
 

يارب رحمتك1

عقاري متميز
اللي نصحوك بعدم الشراء عن طريق البنك هم الناصحون
إياك وعقد طويل الأمد مع هذه البنوك المتلاعبه
اشتر أرض صغيره ويعد كم سنه خذ قرض آخر قصير المده وستعمر وتسكن بإذن الله
 

الحق ابلج

عقاري نشيط
خذ شور اول واحد شار عليك في الاعلان يوم قال اشتر ارض بقرض شخصي لو تضامن مع الزوجة في المكان اللي يعجبك وحسب مقدرتك وبعد خمس سنوات خذ قرض ثاني واعمر دور واحد شقتين شقة اسكن فيها وشقة اجرها.... هذا الحل الاول والافضل
واذا ما يعطوك قرض شخصي خذ ارض بقرض عقاري مرابحة نسبة ثابتة على 10 سنوات يعني يطلع القسط حق ارض قيمتها 500 الف حوالي 4600 شهريا بس حط في بالك انه لازم دفعة اولى 15% يعني ل 500 الف مبلغ 75000 وكمان اذا راتبك فوق العشرة الاف يعطوك قرض شخصي مع العقاري حسب راتبك حول 200 الف ابدا فيها البناء وشوي شوي تخلصها خلال 5 سنوات وانت ساكن بإذن الله تعالى..

وانتبه اخوي اقسم بالله اني مانصحتك الا بما سويته انا شريت ارض بقرض عقاري على 10 سنوات والحمدلله والله مرتاح ولله الحمد والمنة
 

الظل الشرقي

عقاري متميز
السلام عليكم ورحمه الله
اخي هذا المنتدى فيه من هو يرد بناءا على تواجده في مدينه صغيره او قريه او لا توجد اسعار مرتفقه عنده
اما المدن الكبيره مثل الرياض التى الاسعار فيها مرتفقه انصح بالانتظار حتى نهايه السنه الماليه الحاليه
وخلك بالسوق شف اتجا الاسعار علما ان الانخفاظ لن يكون كبيرا في المناطق المخدومه اما البعيده والغير صالحه لسكن ووصول الخدمات اصبح صعبا والاطراف وحواف الرياض لا حكم لها
اذا كنت في الرياض لشراء ارض انتظر قليلا مع البحث الاستمرار في معرفه الاسعار
في البيوت الجاهزه الموثوق ببناءه في المكان المناسب القريب من الاهل او العمل
الجيران الطيبين والسعر المعقول الغير مغال فيه فاشتر مباشره فما سوف يتوفر بالارض ان نزل السعر سوف تدفعه اجار وارتفاع مواد وعمال ووجع رسال من البناء.
والله الموفق
 
أعلى