فلل وشقق للبيع
مخطط المدائن جازان

ابو راجح =1= كانت اول حفرة في حياتي.....واجمل حفره.....واللي ماعنده حفره مسكين

خبير الثقبة

عقاري متميز
.


يقول ابو راجح:




يوم نويت ابني عمارتي هاذي...ام اربع شقق ...كان كل اللي عندي هو اربعة الاف ريال.....منها الف اشتريت بها نسخة المخطط....والباقي عطيته....راعي الشيول...يحفر بها الارض...


ارضي كانت منحة.....وكنت فقير العالمين......يوم جتني...

بغيت اموت من الفرحة يوم شفت اسمي طلع بالجريدة...

وماخليت احد....الا واتصلت عليه....وبشرته...اني صرت املك ارض.....

وصرت احب الناس.....واحب اجلس معاهم ....واحب اسولف.....واموت في سوالف العقارات....والاراضي....ولازم...اسال لي واحد او اثتين....من الجالسين......عندك ارض يارجّال....والا لا؟.....واذا...قال لا...

قلت له.....الصراحة اني احترم الرجال ....لين يقول ماعندي ارض.....ثم يطيح من عيني....

قم.....قدم....معروضك....وخذ لك منحة مع الرجاجيل ....

شبيت في خلق الله.....على مدى 3 سنين.....والظاهر ان اللي قدموا على البلدية في ذيك الفترة ....كلهم من طرفي.....


المهم....


كنت اروح كل يوم وازور ارضي....واجلس فيها....واتبطح واتسدح.....وبعض المرات...اطمر....واقف....واقعد امترها برجولي.....ومره اقيسها بخطوات كبار ووسيعة.....ومرة....امشيها على قدم قدم....



اللي يشوفني من بعيد......الله واعلم.....انه...راح يقرا...من خفاف السور.....ويتعوذ بالله.....





لا تلوموني....ياجماعة.......فانا لاول مره املك ارض....ولو ماهي منحة من الدولة الله يحفضها......كان....قضيت الدهر....وانا متجول.....

وين يابوك؟...الراتب 3 الاف والايجار الف ..والف نعتاش به....والباقي على الكهرب والبنزين والورشات....لان عندي سيارة كل يوم يخرب فيها شي...




وش اطوّل لك السالفة....جات التراخيص.....واخذت فسح بناء....ولقيت خريطة...فيها اربع شقق...ونسختها.....وفجأة ..وجدت نفسي ...قد اكملت جميع اجراءات....البناء.....ومابقى الا ان نبدأ....



ماكان عندي...ولا ريال....



بعد شهرين...قدرت اجمع 3 الاف.....وحفرت بها الارض..



الله....الله.....لو تعرفون....شعوري....يوم..الحفر....



كنت انا وام العيال....واطفالي الاثنين.....واقفين بسيارتنا...ونتفرج....على عملية الحفر.....



الله..يالغبار......



كان غبار يرد الروح......




قسم بالله....اني كني جالس على الكورنيش.....



كنت اقول لزوجتي.......تدرين....وش اسم هالحفرة؟.....هاذي حفرة المستقبل.....ياعيوني.....



نعم....انا....اكتشفت هذا....







انا اول...من اكتشف ان المستقبل.....يبدأ بحفرة....!

_______

وللقصة بقية........






.
 

PHP

مشرف الدعم الفني
مشرف عام
قصة مشوقة وتبعث الحماس لفئة ليست بالقليلة صدق من قال رحلة الألف ميل تبدأ بخطوة
من بدأ لازم ينتهي .. أهم شي البداية والعزيمة الصادقة وبعدها كل شي راح يتيسر بإذن الله تعالى

قضية أن الإنسان ما يبدأ حتى يكون عنده مبلغ كذا وكذا ... سيظل يدور في نفس مكانه سنين طووووويلة ، لا بد من الإقدام وعدم الخوف من المستقبل مهما كانت العقبات.

من يتهيب صعود الجبال يعش أبد الدهر بين الحفر

في انتظار البقية :lightbulb:
 

gasem97

عقاري متميز
ياعيني عليك يا خبير

قصة في قمة التشويق

ننتضر البقية
تحياتي
قاسم
 

Mubasher Pro

مشرف
مشرف عام
تشويق منك يااارائع ، الله يرزق المساكين الى ينتظرون .... قولوا آمين .​
 

خبير الثقبة

عقاري متميز
اشكر مداخلات الاخوان....وسيكون الجزء الثاني قريبا جدا انشالله....وتحياتي للجميع

اخوكم
 

الراوي1

عضو جديد
مؤلف جيد وبعد خبير مالي الظاهر ال 3000 يوميتك
الله يكفينا شر المستشار اذا تفلسف ههههههههه
مع حبي وتحياتي يا ابو راجح
 

خبير الثقبة

عقاري متميز
.



اشكر الاخوة على مرورهم وتعليقاتهم اللطيفة والقصة من وحي الواقع....وسنتابعها على شكل حلقات منفصلة حتى تبرز بشكل افضل وتسهل متابعتها.......




راجع الجزء الثاني على الرابط هذا...

ابو راجح =2= كنت اتمنى من الله انه يجي اليوم اللي اقدر ادفن الحفرة اللي حفرتها

http://aqarcity.com/showthread.php?t=1207


وحياكم





.
 

ابو حاسن

شراء وبيع اراضي وعقارات
هذا وجد ارض بالمنحه ولكن اذا كانت البلديه مشكوره لاتمنح الا بالواسطه فمن بيعطيك منحه
هذا الي حيرني في بلدية ........ واسطه وبس ونسو انهم وضعو لجل المواطن نسئل الله الانتقام من كل ظالم وان الله يعاقبه في دنياه قبل موته هو القادر على كل ظالم من عام 1408 وانا اراجعهم بمعاريضي ياخذونها ويواعدوني واذا راجعتهم قالو لايوجد استمارات وهذا انا في عام 1428 ولم اجد استماره عندهم باالرغم اني اشوف مواطنين بالواسطه عيني عينك ياخذون طلبهم وهذا جعلني اكرهـ شئ اسمه واسطه حسبي الله ونعم الوكيل

مشكور اخوي عالموضوع الهادف

الله يعطيك العافيه
 
التعديل الأخير:
أعلى