ابي رايكم بكل امانه ( حي النرجس بالرياض)

عمر الخالدي

عضو جديد
يالله حيهم جميعاً

ياجماعه ابي رايكم بكل امانه واتمنى محد يعلق الا شخص فاهم وصاحب مبدأ وضمير

انا رجل عندي تحويشة عمري من سنوات ولا املك منزل لان الفتره الماضيه ما اقدر اشتري ارض ولكن الان نزلت الاسعار شوي وصرت اقدر

اكلمكم عن الرياض في حي النرجس شمال سلمان في الكيلو الرابع او الخامس وتحديدا شرق عثمان بن عفان رضي الله عنه

هل المنطقه لها مستقبل وتنصحون فيه؟
الاسعار تتراوح فيها من 900 الى 1300 حسب مواصفات الارض .. هل الاسعار منطقيه؟

اخاف انتظر وتروح علي فرصة القدرة على الشراء واخاف اشتري وتقل الاسعار؟

ابي نصائح اخويه
 

الكلمه أمانه

عقاري متميز
ياغالي الاسعار لن تعود ابدا مثل ماكانت
الدوله كانت تضخ الاموال مما سبب التضخم
وهو مصيبه على الدوله لانه سيجعلها تضخ اموال اكثر واكثر
اما الان تلاحظ جميع الانظمه
تتجه الى سحب السيوله من العامه
حتى الرواتب الخطط تتجه الى تخفيضها
ومن عليه قرض 5 سنوات تمدد الى 7 سنوات

لاشك ان المطلع على الامور يعلم ان 2030
ستكون الدوله هي التاجر الرابح
وجميع التجار اقل ربحا منها
مثلا انت تملك 600 الف كاش
الجيل القادم رواتبهم المتوقعه اقل من 5000 الاف
اي ان 600 الف يحتاج 50 سنه ليجمعها
لو قسمنا ال 5 الاف على امور الحياه الاخرى
ولهذا قالوا ان من يملك الكاش فليحتفظ به
ويزيد عليه لقادم السنين

كل ماتحدثت به لايحتاج الى تفسير
لان جميع ماحولك يتجه الى الانخفاض ليست صدفه
بل هي استراتيجيه واضحه لاولي الالباب
البارح يحدثني احد الاشخاص يقول التيوس نزلت ل 350
يعني مثل قبل 25 سنه
وشكرا
 

ابو شوق.

عقاري متميز
اخوي عمر
فيه احد الاعضاء سبق وان ذكر ان لديه بسعر 900 ريال للمتر في الكيلو الثالث

انتبه لطبيعة الارض ، بعض الاراضي تكون فوق جبل
 

maxuell

عقاري متميز
ياغالي الاسعار لن تعود ابدا مثل ماكانت
الدوله كانت تضخ الاموال مما سبب التضخم
وهو مصيبه على الدوله لانه سيجعلها تضخ اموال اكثر واكثر
اما الان تلاحظ جميع الانظمه
تتجه الى سحب السيوله من العامه
حتى الرواتب الخطط تتجه الى تخفيضها
ومن عليه قرض 5 سنوات تمدد الى 7 سنوات

لاشك ان المطلع على الامور يعلم ان 2030
ستكون الدوله هي التاجر الرابح
وجميع التجار اقل ربحا منها
مثلا انت تملك 600 الف كاش
الجيل القادم رواتبهم المتوقعه اقل من 5000 الاف
اي ان 600 الف يحتاج 50 سنه ليجمعها
لو قسمنا ال 5 الاف على امور الحياه الاخرى
ولهذا قالوا ان من يملك الكاش فليحتفظ به
ويزيد عليه لقادم السنين

كل ماتحدثت به لايحتاج الى تفسير
لان جميع ماحولك يتجه الى الانخفاض ليست صدفه
بل هي استراتيجيه واضحه لاولي الالباب
البارح يحدثني احد الاشخاص يقول التيوس نزلت ل 350
يعني مثل قبل 25 سنه
وشكرا

عزيزي هل تتكلم عن علم أم مجرد تكهنات ورجم بالغيب. ....فقط تذكير اننا جزء من العالم ودولة مستوردة وليست منتجة. ...فالاسعار الدوليه هي المتحكم. ...كلامك عن دخل الجيل القادم اتوقع انه شطحة رهيبه هداك الله....سعر ايفون 7 أغلى من الدخل اللي تتكلم عنه .... راجع كلامك لأنه غير مبني على أي دراسات علمية وتذكر انك مسؤول عن أي كلمة تقولها....
 

أبـوريوف

عقاري متميز
طيب بسألك سؤال

لو اشتريت ارض سعر مترها 900 ريال وبنيتها وسكنت

وارتفعت قيمت ارضك الى 1800 ريال هل بتبيعها ؟


غالبا لا إذن المكسب راح يكون على الورق زي مايقولون لانك مو ناوي تبيع

الخساره زي المكسب لز نزل سعر ارضك راح يكون على الورق طول منت ساكن ومالك نيه بيع

والاخوان ان شاء الله افضل مني كاستشاره وبيفيدونك عن الحي احسن مني

والله يوفقنا واياك لكل خير .
 

سالم لا تسالم

عقاري نشيط
أرى أنك تصبر إلين يحل أول رسم على الأراضي البيضاء واللي هي تقريبا بعد 7 أشهر
لأن العقار بصورة عامة غير مستقر ولم تتضح الصورة بشكل يخول للناس الاشتراء.

وترى الارتفاعات توقفت تقريبا، اللي موجود في السوق إما ماسك سعره وإما هبوط تدريجي.
فما راح يضرك لو صبرت شوي.
 
أعلى