فلل وشقق للبيع
مخطط المدائن جازان

استشارة عاجلة يااخوان

يااخوان أنا لقيت فله صغيرة ضمن مجمع فلل يبنيها مطور عقاري بمدينة الرياض

الفلة سعرها تقريبا في حدود الــ 850000 ريال

اتصلت بالبنك وقالي بيشتريها لي وراح يكون عرض التمويل كالتالي :
مبلغ التمويل 850000ريال
القسط الشهري 5735 ريال على 20 سنة
بمعنى ان فائدتهم بعد المدة المحدد 1.343.000ريال

مع العلم ان راتبي الشهري 11000 ريال ولدي مدخول ثاني حوالي 5500ريال
والفلة عبارة عن دورين السفلي استقبال والعلوي صالة عائلية مع غرف نوم

سؤالي : هل تشوفون اني اتوكل على الله واشتري الفلة ولا وش رأيكم

انتظر ردودكم ---------
 

رأي عام

عضو جديد
مراحب اخوي

انا من جهتي بنصحك بنصيحتين

الاولى لو تنتظر افضل لان العقار مبالغ فيه و التمويل ايضاء مبالغ فيه ولا تنسى تراها عشرين سنه من عمرك ماهي خمس سنوات يعني بيربطك البنك مدة طويله يقص فيها من راتبك

النصيحة الثانيه

الواحد بعد عمر طويل عياله بعد عينه يبي لهم مصاريف والراتب ما يكفي الحاجه يعني فيلا دورين سكن ما تنفع

يبي لك دور ارضي وثلاث شقق يستفيدون منها عيالك يا اجار او سكن لهم بعد زواجهم انشاء الله والحياة الحين صعبة فما بالك بعدين كيف بتصير والعلم عند الله

انا قريب لي بناء فيلا بحي اليرموك دورين والان ندمان يقول ليتني بنيتها دور وشقق استفيد منها وخايف يبيع ولا يقدر يشري بالاسعار هذي المبالغ فيها

انصحك بالتريث و عدم الاستعجال

لك ودي
 

ابو- طارق

عقاري متميز
الله يوفقك
بالنسبه لسعر الفله فهو مناسب اذا هي جديده ومساحتها مناسبه وحيها جيد
بالنسبه للتمويل من البنك النسبه مناسبه اذا كانت غير متغيره ولايوجد تقييم للعقار كل فتره
 

عقار بن صامد

عقاري نشيط
احرص على الحي تراه مهم جدا
ولاتتريخص العقار كون الحي شعبي
واضح ان العقار في حي عادي
والله يوفقك
 
من ناحيتي اقولك ان سعرها مناسب جداا
خاصةٍ انه لديك مدخول ثاني يساعدك في
تلبية احتياجاتك .
بقي ان تتأكد من الحي وتسأل عن الاسعار
لان الاحياء فيها الاسعار متفاوته حيث الحي
المناسب له سعر والغير مناسب له سعر آخر
اما حسب كلامك ياباش مهندس انا اشوف ان
السعر مناسب وهذا منزل العمر لك ولأبنائك
ومهما صرفت عليه من مال ماهو خساره مثل
مايقولون , تحياتي وامنياتي لك بالتوفيق
بارك الله فيك
 

أبو برهومي

عقاري متميز
إذا فيه احد يقدر يحدد لك تاريخ نزول للعقار

أنتظره

من وجهة نظري

وجدت العرض المناسب ولديك القدرة

والشراء للسكن

أستخر وأشتر

مع العلم حالتك المادية لن تتأثر كثيرآ
ماشاء الله عليك
ومع الوقت تستطيع التأقلم وبالإمكان
العمل على تقليل سنوات القرض
و
باارك الله فيك :)
 
شكرا لجميع من تداخل برأي فالموضوع

للمعلومية الحي ماهو شعبي ولكنه يعتبر على حدود مدينة الرياض وسبق اني ذكرت انها تابع لمخطط مطوره احد العقاريين ويتوفر فيه مكان لجامع ومدرسة والفيلا مساحة مسطحها في حدود 315م2
 

vantom1393

عقاري متميز
انتبه لجودة التنفيذ

السعر مناسب بالنسبه للمساحه مع ان الحي لم يذكر لكن تبقى مقبوله

اتمنى لك التوفيق
 

عقار بن صامد

عقاري نشيط
شكرا لجميع من تداخل برأي فالموضوع

للمعلومية الحي ماهو شعبي ولكنه يعتبر على حدود مدينة الرياض وسبق اني ذكرت انها تابع لمخطط مطوره احد العقاريين ويتوفر فيه مكان لجامع ومدرسة والفيلا مساحة مسطحها في حدود 315م2
البعد ماهو زين يجبرك انك تنعزل عن ربعك وجماعتك وعملك
ان لقيت اقرب زين
 
أعلى