المنصة العقارية

الرهن الميسر ...... فلم بطله متخرج من الجامعه "مقبول"

nasser1976

عقاري
اذا طلبنا من واحد حلول تمويليه وهو متخرج بدرجه مقبول من الجامعه تخصص محاسبه ...... يأتي بالعجائب!!!!!!!!!

قبل من اتحدث عن الرهن الميسر "ههههههههههههههههههههه"

احب ارجع للوراء سته اشهر عندما اعلنت موسسه النقد رفع الحد الاقصى للتمويل العقاري من 70% الي 85% للشركات التمويل العقاري دون البنوك ....... يعني شركات التمويل العقاريه تستطيع تمويل العميل الي 85% من قيمه العقار و العميل يوفر 15% دفعه اولى.

اكيد التمويل يكون بفائده .... ماهو بلاش

طبعا القرار كان مفتوح للكافه شرايح الشعب والي عنده القدره الماليه ....... كلام سليم ياشباب

لكن كانت المحصله ............ فشششل ذريع و عدم اقبال على تمويل العقاري مع دفعه اولى 15% فقط ...لاسباب كثيره ......... لا داعي للحصرها الان.

مع العلم ان نسبه المرابحه من شركات التمويل العقاري او البنوك ........ متقاربه جدا وليس هناك فروق

نعووووود للرهن الميسر "ههههههههههههههههه"

تقريبا نفس القرار الي فوق ......... لكن اصبحت البنوك تستطيع تمويل 85% من قيمه العقار من خلال تمويل عقاري و تمويل شخصي و العميل يدفعه 15% من قيمه العقار مقدما

مره ثانيه نقول انه ماهو بلاش ...... بفوائد

بس الفرق الجوهري انك هنا تحتاج موافقه وزاره الاسكان يعني لازم تكون مستحق للدعم الوزاره.

الاغلبيه الساحقه من المتقدمين على وزاره الاسكان مايملكون 15% دفعه اولي ناهيك ان هم يريدون دعم بدون فوائد من الوزاره لعدم مقدرتهم الماليه للتحمل الفوائد.

النتيجه النهائيه ..... ان القرار ماجاب شي جديد ...... بالعكس الوزاره تحد الارمله و المطلقه على منتجات مكلفه ولا يستطيعون تحملها.

كيف نستفيد من كلام ذا؟؟؟

التصحيح العقاري بيستمر الي ان تصبح الاسعار مغريه للطبقه الوسطى .... وهو تقريبا 30 الي 40% من الاسعار الحاليه

الي عنده رد مفيد حياك الله والي ماعنده لا يرد:D
 

nasser1976

عقاري
كلامك في صميم اخوي

الرهن الميسر ماهو فايد اهل العقار و لا جاب شي جديد للي يبحث عن سكن !!!!!!!!

واحد من اهل التلقيمه يقول كيف ؟؟؟

انا اقولك .......... لان التمويل من اول مفتوح لاهل الرواتب العاليه من عشرين الف و فوق ...... من خلال شركات التمويل و بدفعه اولي 15% ....... لكن ماتحرك العقار !!!!!!!

ابو فكر يحسب الي مقدمين على الاسكان يدورون تمويل من البنوك!!!!!!!!!!!!

هم اصلا ماعندهم مقدره ماليه على تمويل البنوك و يبون مساعد الدوله من خلال قرض بدون فوائد و ارض منحه .......... بس مشكله ابو فكر للحين ماهو قادر يفهم القضيه ذي!!!!!!

فهم ابو تلقيمه الحين ........ بس اتوقع خلال اسبوعين او شهر بيستوعبون الموضوع مثله مثل القرض المعجل الي فشل بشكل كبييييييييييييييييييييير

وعلى فكره فوائد قرض المعجل اقل بكثيييييييير من فوائد الرهن الميسر و مع كذا ماحد يبيه ولا يبي كراتينكم و تحياتي.
 

nasser1976

عقاري
هههههههههه

والله يابو ماجد ان كلامنا في مصلحتك

اقرا بس قبل ماتعلق .... جد والله ... هو ماهو مسالة يعجبنا ولا لا ......... نقولك هذا القرار بتفصيل وانت احكم

بينفع العقار و اهله او لا ؟ اترك لك الاجابه
 

nasser1976

عقاري
هذا مربط الفرس الي مقدمين على الاسكان يبون سكن بالمجان لان ماعندهم فلوس طال عمرك

اي حل زي كذا ماينفع ..... بيفشل زي القرض المعجل .... وبيجلس العقار في ركووووود


وبنسبه لاجار ...... توجهه الدوله احلال المواطن بدل الاجنبي ...... وهذي من اهداف 2030.

منها تقليل الرواتب و البارح صدر قرار ماحد انتبه له ........ هو مايحق لاحد ان يتوظف بالحكومه قبل سته اشهر من استقاله من القطاع الخاص ....... عشان يقللون عدد المتقدمين على وظائف حكوميه

بكذا بيكون عندنا فائض كبير في الوحدات المعده للايجار ......... والعقار في سبات عميق ... ولا عندنا سياحه مثل دبي .....

الملخصه النهائيه انتهى زمن العقار المرتفع
 

nasser1976

عقاري
لا انا اتكلم عن الدبلكسات الي منتشره مثل الجراد ولا حد اشتراها ...... اهلها يا يبيعون برخيص او ياجرونها

فوق كذا .... الشقق الي اكثر من الهم على القلب .....

ما اتكلم عن الغرف الله يصلحك

ع العموم ..... اذا كان عندك نقطه تعارض الكلام الي قلته عن الرهن الميسر ....... تفضل

انت لا تسوي زي راعي البقاله الي ماحد يشتري منه العصر و المغرب .... ويفتح بعد صلاه الفجر!!! الي ماجاك في عزها ماهو جايك و الناس رقووود
 

محمد البداح

عقاري نشيط
موضوع حلو الله يعطيك العافيه

الناس صارت واعيه وتحسب صح مو زي اول والحمدلله

و هذا شي صح

شفت كثير فلل جديده تصدعت جدرانها وهي ما بعد سكنت و بعضها واضح فيها الترقيع
 

nasser1976

عقاري
شكرا اخوي محمد

وبما انك جبت طاري الحسبه

نحسبها

فرضا دبلكس قيمه مليون و نص ..... الدفعه الاولي 225,000 ريال ..... و تمويل يكون 1,275,000 ريال من البنك

ناخذ المبلغ المتبقي و ونضربه بنسبه المرابحه على عشرين سنه ...... 3% بالسنه ضرب عشرين سنه يطلع 60% فايده على مبلغ التمويل ...يطلع المبلغ المطلوب من العميل سداد على فتره عشرين سنه هو ... 2,040,000 ريال !!!!!!

بشهر يطلع القسط 8,500 ريال !!!!

الحين من يقدر يقنعني انه واحد من المتقدمين على طلب دعم من وزاره الاسكان عنده القدره الماليه انه يدفع الدفعه الاولي او يدفع القسط الشهري

مع العلم ان ..... اغلب المتقدمين رواتبهم بالمعدل من 8 - 10 الاف ريال ولا ننسى المطلقات والارامل و قس عليهم.

تنويه مهم جدا ...... القرار فقط للمستحقين دعم الوزاره ماهو لكافه شرايح الشعب

اتمنى من كل واحد هلل و طبل للقرار انه يفهمني كيف بيكون مفيده للتحريك العقاااار؟


تحياتي
 

Sma11

عقاري نشيط
المواطنون تبرمجو على المقاطعة ولن يشترو
 
أعلى