فلل وشقق للبيع
شركة آبار التقنية للمقاولات

المواطنون اللي اشتروا عقار عن طريق البنوك وش حالهم

dreamland

ــــــــــــــ
السلام عليكم ورحمة الله وبركاته

قبل ثلاث ايام اتصل على جوالي صاحبي يقولي ان ولد عمه يبغى منه الفزعة يبغى مبلغ 150 الف ريال الى 250 الف علشان يكمل مبلغ بياخذه من البنك لشراء عمارة طبعاً المبلغ اللي راح ياخذه من البنك مليون و مئتان الف ريال وراتبه 15 الف ريال . يقولي وش رايك في مشروعه هو عرض عليه استثمار اعطيك المبلغ 150 الف ويعطيني عليها 10% فائدة خلال 10 سنوات يعني راح يرجع له مبلغ 150 الف ريال+15 الف ريال طبعاً دار بيني وبينه حوار خاصة ان هو راح يدبر المبلغ من البنك عن طريق قرض
والبنك راح ياخذ من عنده فائدة 1.9% وعمولة بنك 1800 مصاريف ادارية المبلغ كامل 16050ريال انا قلت له اذا الرجال يستاهل افزع معه لكن انت مارح تطلع بفائدة .

الشيئ الثاني البارح اتصل احد اقربائي 3 مكالمات الجوال كنت ناسية يشحن ولارديت عليه هو رسل لي واتساب تكفى ظروري اتصل على جوالي انا شفت المكالمة الساعة 1 في منتصف الليل رسلت له انت جالس ولا نايم ولا رد

قبل الدوام اليوم اتصلت على جواله خير 3 مكالمات و رسائل وتساب وش الهرجه قالي اخوي عليه ازمة مالية قوية جداً قلت له خير ان شاء الله

قالي هو اخذ قرض عقاري من البنك انت خابرة حق البيت اللي توه مخلص منه مليون ومئتان وطلع قروض من بنك التسليف بأسماء شخصين هو يسددهم 750 للشخص 1500 للاثنين
ويسدد 7500ريال للقرض العقاري المجموع 9 الاف ريال بنك التسليف هو مايسدد فيه والان خصموه عليه من هذا الشهر

وراتبه 15 الف ماتسوي له شيئ ابغاك تفزع معه طبعاً الارض اشتراها عام 2008 بسعر 400 الف
عن طريق البنك وحرر الصك في سته شهور بعد ماباع بيته الصغير بمبلغ 690 الف والبنك اخذ عليه 100 الف فائدة لانه سدد مبكر وتنازل عن 120 الف

الان اللي عندي اسهم في شركات الاسمنت وشركات عقارية و ارض في ضاحية الدمام

محتار افزع معه وابيع اسهم ولا ارض في ضاحية الدمام

انا سألته كم المبلغ قالي المبلغ اللي يبغاه كبير كيف السوق في الضاحية هل يستاهل ابيع ارضي مع ان نيتي كانت اجمع كم مبلغ علشان اعمرها واسكنها بعد ما ادبر مبلغ البناء

ياناس ياعالم لاتشترون شيئ عن طريق القروض الكل قام يشكي غيرك يشوف ناس تفزع معه
لكن انت وش يضمن لك انك تشوف من يفزع معك ولهذا ممكن يوم من الايام تبيع لحاجة تسديد الديون
وتبيع اقل من سعر السوق وتعيش في اجار مرة اخرى
 

mat2bt

عقاري متميز
ولله الدين شين وهم

بس لو شفت كل السعودييين سيارتهم وزاجاتهم كلها ديون وقفت على البيت مع ان العقار يحفظ قيمته بالغالب

ثاني شي مشكله القرض العقاري طويل المدى ونص الراتب مو مثل السياره ولا التمويل الشخصي للزواج ياخذ ثلث الراتب

بس الزين في التمويل العقاري انه يحفظ مالك في عقار مو مثل السياره بعد خمس سنوات راح نص سعرها

بما اني مريت في تجربه شراء العقار انصح اخواني تراها مو سهله

صح ترتاح من هم الاجار وترتاح كلم ادخلت بيتك وتطمن لو حصل وفاه لاسمح الله ينتقل البيت للورثه بدون اي ديون
بس لشريت هل معك حق الاثاث مكيفات
البيت مو مثل الشقه يبيله صيانه واستهلاك كهرب اكثر

غير اني كنت انصح بعض اخواني ياخذون دبلكس صغير بسبع مائه الف ريال يقولي لا ابي دبلكس منفصل بمليون

وبالاخير يعاني من ازمه ماليه

ونصيحه لاتشتري عقار الا اذا تقدر تاجر جزء منه يرجع لك ثلث القصد يعني يطلع التويل عليك بثلث الراتب كانك ماخذ سياره
وحاول تقصر المده قدر ماتقدر
واشتر بمكان بعيد وقابل للزياه مو تشتري بحاره مكتمله بتكون غاليه عليك وتشبعت سعريا

هذا والله اعلم
 

dreamland

ــــــــــــــ
ولله الدين شين وهم

بس لو شفت كل السعودييين سيارتهم وزاجاتهم كلها ديون وقفت على البيت مع ان العقار يحفظ قيمته بالغالب

ثاني شي مشكله القرض العقاري طويل المدى ونص الراتب مو مثل السياره ولا التمويل الشخصي للزواج ياخذ ثلث الراتب

بس الزين في التمويل العقاري انه يحفظ مالك في عقار مو مثل السياره بعد خمس سنوات راح نص سعرها

بما اني مريت في تجربه شراء العقار انصح اخواني تراها مو سهله

صح ترتاح من هم الاجار وترتاح كلم ادخلت بيتك وتطمن لو حصل وفاه لاسمح الله ينتقل البيت للورثه بدون اي ديون
بس لشريت هل معك حق الاثاث مكيفات
البيت مو مثل الشقه يبيله صيانه واستهلاك كهرب اكثر

غير اني كنت انصح بعض اخواني ياخذون دبلكس صغير بسبع مائه الف ريال يقولي لا ابي دبلكس منفصل بمليون

وبالاخير يعاني من ازمه ماليه

ونصيحه لاتشتري عقار الا اذا تقدر تاجر جزء منه يرجع لك ثلث القصد يعني يطلع التويل عليك بثلث الراتب كانك ماخذ سياره
وحاول تقصر المده قدر ماتقدر
واشتر بمكان بعيد وقابل للزياه مو تشتري بحاره مكتمله بتكون غاليه عليك وتشبعت سعريا

هذا والله اعلم
اشكرك على الرد اخي العزيز
 

dreamland

ــــــــــــــ
اخواني هل يوجد حل يقدر يقدم عليه قريبي تكفون ابغى حلول هو الدين حقه على مدى 25 سنة
وبنك التسليف 5 سنوات يعني مايقدر يسدد لي الا بعد 5 سنوات تقسيط وممكن يسدد كل الدين حقه
على مدى 25 سنة يعني انا بروح فيها لو بعت ارضي اللي بنيت عليها امال او بعت محفظتي
اللي من خلالها تجيب لي ارباح سنوية
 

Pain_killer

عقاري متميز
اذا انا مو غلطان انت من دعاة انهيار العقار. بع ارضك و اسهمك العقاريه وسلف الرجال ويحفظ فلوسك كم سنه واذا انهار العقار على قولتكم تكون فلوسك رجعة وتشتري فيها مخطط كامل
 

dreamland

ــــــــــــــ
اذا انا مو غلطان انت من دعاة انهيار العقار. بع ارضك و اسهمك العقاريه وسلف الرجال ويحفظ فلوسك كم سنه واذا انهار العقار على قولتكم تكون فلوسك رجعة وتشتري فيها مخطط كامل
الموضوع للنقاش ولوضع افضل الحلول وردك هذا لاقيمة له مع احترامي لك

انا شبه قررت اني اقوله دبر غيري ارضي ابغاها واسهمي بحفظها

وثانياً انا ماقلت ان العقار بينهار ومخطا اللي يقول العقار راح ينهار

انا قلت الاسعار تعدت القدرة الشرائية والاسعار راح تنزل لكن كلمة انهيار

مالي فيها الاسعار راح تنزل ان شاء الله وشراء عقار لاجل السكن مكسب

لكن اشتري بالسعر المعقول وليس بسعر مبالغ فيه
 

غالي^الأثمان

عقاري متميز
الغبنة 20سنة ياخذ البنك راتبك
والفائدة الربوية 600الف حرام

عندك لهم حل اخر ؟

خلها على الله بس هذي الحال ولا تغطى الشمس

الحل هو:

تزوج لك مدرسه والا دكتوره والراتب النص بالنص للقرض

ولو كنت متزوج ماجاك عيال طلعها عند بيت اهلها تدرس ولا ترجعها الا معها ماجستر


:D:D:D:D:D:D:D

هالي ماخذين قروض حريمهم موظفات

واعرف ناس ماخذوا قروض الا علشان تضامن مع راتب زوجته

وش تبيه يسوي؟!!
 

dreamland

ــــــــــــــ
الغبنة 20سنة ياخذ البنك راتبك
والفائدة الربوية 600الف حرام
الفائدة من الارض 100 الف والفائدة من القرض مليون ريال ومائة الف

الفائدة على الارض والقرض مليون ومئتان

الله يعينة ليته اتبع نصيحتي يوم قلت له لاتبيع بيتك

اكتفي بالارض الان وبعد فترة عمرها على الراحة
 

dreamland

ــــــــــــــ
احدى شريطية العقار اشترى عقار عن طريق البنك لكن عندما اشتراه كان هدفه من الشراء بيعه بسعر اعلى ولكن تفاجئ ان العقار نزل سعره والبعض تجمد سعرياً

والان هو في عقار سيتي يدلل عليه ويتمنى انه مايخسر كيف ماتخسر والدعوات تجيك بالجملة بسبب تمنيك ان العقار يرتفع

وان الناس يصير لها ضرر اصحى ياشريطي واسعى لكسب دعوة طيبة هي سبب من اسباب التوفيق
 
أعلى