شركة شيفرون وازمة العلاقات بين البلدين وضع الموظفين والعقار في الخفجي / دعوه للنقاش

اعطيك العلم

جلاّب الغنايم
السلام عليكم ورحمة الله

وضحة كل شيء بالموضوع عشان اللي يهمه الموضوع او عنده خبر يدخل

فلسفه زايده مانبي

انا دخلت شراكة مع احد عقاريين الخفجي والفكره هي بناء بيوت ودبلوكسات لموظفين الشركتين
لانهم عماد هالمدينه

وتصرفنا وطلبنا المواد واشترينا بعض الاراضي و حاولنا انها تكون قدر المستطاع بما يغطي قرض الشركة ويضمن لنا لو ربح بسيط

المهم درسنا الموضوع من جمييييييع الجهااات الا هالمصيبة اللي حطت على روسنا

السؤال الان

وضع العقار بعد هالسالفه ؟

نكمل ونبني او نبيع الاراضي

عز الله اني ماكنت مقتنع بالمشروع

لكن بعض الجلسات تفر دماغك

واشهد ان بعض العقاريين شريطي تقل يسحرك تسوي شيء ما هقيت في يوم انك تسويه

وبعض العقارين كنه اخوك الكبير وانا بشوف الراي واخذ الشور وارده


انت لو انت بمكاني ( عقاري او موظف شركه او رجال عطاه الله حكمه )

وش تسوي ؟!!



احمل امانة اموال ايتاااام كل من ابدا رايه


لاني داخل بفلوس عيال اختي وهم ايتاااااااااااااام



بارك الله فيكم
 

مضطهد

استشاري أسهم وعقار
وجهة نظري وبدون فلسفة..

المعروض حالياً أكثر من الطلب..


فلل وعمائر معروضة وشقق للإيجار منذ فترة لا يغازلها ود المستثمرين..والمستأجرين
 

ابوعبدالمجيد.

مستشارعقاري
وجهة نظر

وعليكم السلام ورحمة الله وبركاته

من شاورك دخل في ذمتك لاسيما انك تقول مال ايتام.

اولآ- اذ كان مشروعك من الاساس يستهدف شريحه معينه من المجتمع مثل موظفى شركات معينه او فئه

دون اخرى فا اسمحلي ان دارسة الجدوى عندك غير مجديه.

ثانيآ- لو نظرة لما صدر من قرارت من صندوق التنميه العقاري و وزارة الاسكان (الاسكات) من قرارت

خلال السنوات الثلاث الماضيه لو طبقت بالفعل لبني لكل مواطن منزل وطريق خاص الى مقرعمله .

ثالثا. بما انك بدأت بالمشروع واشتريت اراضي فالاراضي مازال عليها طلب ولو كان المشتري

هالايام صاحب الحاجه بمعني من نزل له قرض سواء من الحكومه او من ارامكو او يريد بناء منزل ام

الشريطي او المستثمر ما يشترى بالقمم.

رابعا . اذا كان لديك مشاريع بناء مساكن قائمة بالوقت الحالي نصيحتي لك جهز عظم واعرض للبيع

لأن تفاصيل التشطيب كثيره وكلآ يمد لحافه على قد رجوله فيه من يشطب 500 الف وفيه من يشطب

200 الف.

هاذي وجهة نظري فأن اصابت من الله وان اخطئت فما من نفسي والشيطان .

ياريت ان تطلع على هالرابط

http://www.aqarcity.com/t2252661.html
 

اعطيك العلم

جلاّب الغنايم
الله يبيض وجيهكم جميعا

لكن يا اجواد وش وضع الشقق في الخفجي ؟

شريكي يقول انا ابخص منك بالخفجي

الاراضي ماعليها طلب ابدا

وبما ان هناك من يمولنا بمواد البناء خل نبني بس نغير بالخطه بدل البيع نأجر

والله ماكانت هذي نيتي

لاني كنت ابرد الفلوس لاهلها باقرب وقت

فما ادري ابن الحلال رايه سديد او الاجار بالخفجي غير مرغوب ؟

وايش افضل لو بغينا نأجر

شقق سكنيه او فندقيه ؟


ياهل الخفجي وش رايكم
 
أعلى