فلل وشقق للبيع
مخطط المدائن جازان

شوفوا الأسعار الحقيقية لأسعار الفلل والأراضي شمال الرياض

fozanabc

عقاري متميز
بات من المؤكد بناء 7000الآف وحده سكنية شمال الرياض ، والاراضي التي ستوزع ايضا شمال الرياض بحسبة بسيطة اذا كانت المنحة 500م وسيكلف بناءها 700000ألف كحد اقصي فليس من المعقول ان اشتري فلة بالصحافة 300م ب 900000 ألف
اذا نستنتج بأن الاسعار بالاشهر القادمة ستكون كالتالي:

فلة 500 م بالصحافة 850000ألف

فلة 350م بالصحافة 700000ألف

ولكم أن تقيسوا عليها بالاحياء الخري ولا تستغربون من هالاسعار ولا تستعجلون ابد الشراء حتي لو شفتوا هبوط حقيقي لان الاسعار بتنزل اكثر مما تتوقعون مثل ماكان الارتفاع باعلي مما تتوقعون ،
يقولي احد العاملين بالعقار ورجل قديم بالعقار سعر الفلة 450م انا بايعها بعام 2005 ب 550000ألف جديدة
انتبهوا لا احد يلعب عليكم ينزل بالفلة مية والا ميتين ألف وتدبسون فيها القرار لكم فقط ولا تنظروا الي الماضي فالأسوأ قد زال
 

fozanabc

عقاري متميز
صدقني يا متداول من الغباء مجرد التفكير بالشراء الآن


اللي يشتري اللحين اشبه بمن اشتري الاسهم في ٢٠٠٦ وهي كل يوم تنزل اكثر ولم تستقر الاسعار

الواقع يقول سنشاهد اسعار متدنية لم نكن نتخيلها
وان غداً لناظره قريب ياشريطية الفلس:)
 

خالد بن مرشد

عضو جديد
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

ودي اصدق بس قووووويه قووووويه

بيجي واحد يقول مطبل

و الله اني ماني راعي مكتب عقار و لا مستثمر و لا شريطي و لا لي فيها ابد

بس ارحمووونا شوي من جدكم انتم

ياخي نصيييحه الي عنده نيه يشتري يشتري و لو نزلت عشره عشرين في المتر اذا ما ارتفعت

ياخي بتكلم عن المنطقة الي حنا حي الشفا مخطط يطلع اليوم نكشت فيه حنا و الشباب كل ليل و بعد شهرين ما نلقى ارض فاضيه كلها فلل

من جدكم فيه احد بياخذ ارض قبل الزلفي بعشرين كيلو او قبل الخرج بعشره كيلو او بعد كبري سعد

لا خذو هالمعلومه المنحه مااااا تباااااع يعني صور جنبها

قلت لكم و الله لاني عقاري و لا مستفيد بس العقل و المنطق شغلو الدمجه
 

fozanabc

عقاري متميز
طيب انا مثلك ماني عقاري لكن اللي يقولي عقاري كان يعمل مع العلي العقارية يقولي بايع فله جديدة بالنفل ب ٥٥٠٠٠٠ الف بعام ٢٠٠٥م
ليش نستبعد ترجع هالاسعار ياعزيزي السوق تم تجفيفه بالكااااامل والدليل قرض اضافي ومعجل والبنوك تهش ذبان والله اني رايح للهولندي حتي رقم ما اخذت فاااااضي
اللحين الناس عندها خيارين يا ارض وقرض او فلة جاهزة من الاسكان
ليييييييش بيشترون من الشريطية عطني سبب
وتقولي عند الزلفي طيب ليش ارض وزارة الاسكان بالشماااال وتحديدا بعد طريق الامير سلمان
 

خالد بن مرشد

عضو جديد
تدري و انا اخوك ان كلامك هو المشكله كل الناس تخطط على ارض الشمال الي بعد طريق الامير سلمان و قلت كم تبعد

اقول شي و لا ودي اتكلم في اماكن ما اعرفها اطلع من الرياض الي توصل الخرج كلها مملوكه من وين بتجيب وزارة الاسكان ارض بجيك غرب اطلع من الرياض الين توصل الخالديه كلها مملوكه من وين بيجبون منه

على فكره انا ودي انا مثلك طلع اسمي في الصندوق العقاري من شهر عشره السنه الي فاتت ودي ينزل بس صعبه

و الاهم من المستحيل اسكن في ارض بيعطونيها خارج الرياض انا ابي اسكن قريب من الاهل يعني حتى لو عطوني باضطر ادور قريب و القريب ياسيدي مملوك و مقطعه الناس كلها شرت غالي و مستحيل تبيع لو تبنيها استراحات و تقسمها غرف و تاجرها للشباب

ممكن تقول العقار يركد ينزل شوي بس اسعارك هذي من المستحيل و الله صعبه

لاكن ربك يعين و يفرجها لي و لك و للمسلمين
 

نواف30

عقاري متميز
ممكن تقول العقار يركد ينزل شوي بس اسعارك هذي من المستحيل و الله صعبه

لاكن ربك يعين و يفرجها لي و لك و للمسلمين

وليش صعبه قبل خمس سنوات وليس عشرون سنة عمارة انباعت بـــ 380 الف شقه ومحلات الان طالب راعيها مليون وستمائة الف هل كان احد يفكر ان تصل الى ماوصلت اليه الان نفس الشيئ فالارقام الفلكيه ستصبح من الماضي ان شاء الله
 

خالد بن مرشد

عضو جديد
وليش صعبه قبل خمس سنوات وليس عشرون سنة عمارة انباعت بـــ 380 الف شقه ومحلات الان طالب راعيها مليون وستمائة الف هل كان احد يفكر ان تصل الى ماوصلت اليه الان نفس الشيئ فالارقام الفلكيه ستصبح من الماضي ان شاء الله
[/CENTER]
الموضوع اخذ سجال عريض

قلت لكم انا اتمنى بس صعبه

قبل كان القرض العقاري 300 الف و الحين نص مليون

قبل كانت الرواتب قليله الحين تدبلت

و الاهم قبل كان سكان الرياض اثنين مليون الحين اتوقع وصلو سته مليون

الظروف تغيرت و انا اخوك

البيت الي حنا فيه الحين شريناه قبل 12 سنه 900 الف ريال و مساحته 800 و كان عمره تسع سنين وقت ما شريناه الحين الفله الي جنبنا توه مبيوع بمليون و تسع ميه و اصغر مساحه


امنيتي ينزل ابي ارض مترها 800 في الشفا امنيه ابي استفيد من قرض الصندوق العقاري الي صوت جنبه بكمل سنه

حي الشفا ما يتكلمون الا بالف و طالع
 

نواف30

عقاري متميز
الموضوع اخذ سجال عريض

قلت لكم انا اتمنى بس صعبه

قبل كان القرض العقاري 300 الف و الحين نص مليون

قبل كانت الرواتب قليله الحين تدبلت

الظروف تغيرت و انا اخوك

البيت الي حنا فيه الحين شريناه قبل 12 سنه 900 الف ريال و مساحته 800 و كان عمره تسع سنين وقت ما شريناه الحين الفله الي جنبنا توه مبيوع بمليون و تسع ميه و اصغر مساحه


امنيتي ينزل ابي ارض مترها 800 في الشفا امنيه ابي استفيد من قرض الصندوق العقاري الي صوت جنبه بكمل سنه

حي الشفا ما يتكلمون الا بالف و طالع
ياخوي ايش استفادت العالم من زيادة الرواتب وليتها مازادت لان الحرميه بالمرصاد وكل شي زاد حتى الاجارات والمواد الغذائيه اللي تغير انا اخوك ان الحرميه كثروا عن اول ولا حسيب ولا رقيب الان كلن يسوي مابداله وما عليه من احد ولا البيوت والعماير القديمه ماتغيرت الا ان كان لقوا بترول تحتها شي ثاني والله البلد ضايعه
 

خالد بن مرشد

عضو جديد
بيض الله وجهك قلت كلام ما كنت ابي اقوله

اختصرتها علي الدنيا شبوووووك في شبوووك الا اذا وزارة الاسكان بتشتريها منهم بتسوي خير فينا تقربنا لاهلنا

بس اذا شرتها بتعطيناها بلاش او براس مالها

الله يرزقنا و ياك و المسلمين بيت في الجنه

تصبحون على خير
 

infome

عقاري متميز
بات من المؤكد بناء 7000الآف وحده سكنية شمال الرياض ، والاراضي التي ستوزع ايضا شمال الرياض بحسبة بسيطة اذا كانت المنحة 500م وسيكلف بناءها 700000ألف كحد اقصي فليس من المعقول ان اشتري فلة بالصحافة 300م ب 900000 ألف
اذا نستنتج بأن الاسعار بالاشهر القادمة ستكون كالتالي:

فلة 500 م بالصحافة 850000ألف

فلة 350م بالصحافة 700000ألف

ولكم أن تقيسوا عليها بالاحياء الخري ولا تستغربون من هالاسعار ولا تستعجلون ابد الشراء حتي لو شفتوا هبوط حقيقي لان الاسعار بتنزل اكثر مما تتوقعون مثل ماكان الارتفاع باعلي مما تتوقعون ،
يقولي احد العاملين بالعقار ورجل قديم بالعقار سعر الفلة 450م انا بايعها بعام 2005 ب 550000ألف جديدة
انتبهوا لا احد يلعب عليكم ينزل بالفلة مية والا ميتين ألف وتدبسون فيها القرار لكم فقط ولا تنظروا الي الماضي فالأسوأ قد زال
اتفق معك تماما.

ومن يريد الشراء وهو مضطر لايشتري الا اذا نزلت الاسعار على الاقل 40 %

وهذا سيكون قريب باذن الله لن يتجاوز السنه والنصف ..

تحياتي
 
أعلى