المنصة العقارية

صاحب العمارة رفع الاجار

السلام عليكم ورحمة الله وبركاته

يا اخوان صاحب العماره التي اسكن بها رفع الاجار من 37 الف الى 45 الف العماره جديده لها سنه تقريباً وتوني مستأجرها فقط من سنه وهي عباره عن غرفتين وصاله ومجلس ودورتين مياه فقط ( يعني صغيره ) ولا يوجد بها موقف خاص للسياره بعد وخسرت الكثير على تأثيثها هل يوجد قانون يحمي المستأجر ؟؟؟؟
 

المبشر

عقاري متميز
الله ينتقم منه ويرفع عنه العافيه وكل من يضيق على المسلمين
ان كنت في الرياض فيوجد وفره كبيره في الشقق يمكنك البحث عن اقل من ذلك
 

ابومعاذ الرويلي

عقاري متميز
الله يصلح الحال -----------
 

dreamland

ــــــــــــــ
خذ لك لفه على الحارة وشوف لك اجار اقل واكتب عقد 5 سنوات السعر مايتغير وشوف لك واحد من الطيبين وﻻتاجر من الجشعين
 

SS10011001

عقاري نشيط
السلام عليكم ورحمة الله وبركاته

يا اخوان صاحب العماره التي اسكن بها رفع الاجار من 37 الف الى 45 الف العماره جديده لها سنه تقريباً وتوني مستأجرها فقط من سنه وهي عباره عن غرفتين وصاله ومجلس ودورتين مياه فقط ( يعني صغيره ) ولا يوجد بها موقف خاص للسياره بعد وخسرت الكثير على تأثيثها هل يوجد قانون يحمي المستأجر ؟؟؟؟

أعتقد أنك تبالغ أو تستهر 45 ألف وشقة
 

أرضنا

عقاري متميز
الحل انك تهاجر وتترك البلد وتسكن في هجرة بيوت طين

ولا غير كذا الغلاء وراك وراك

عشر سنوات وانا اعاني من هالحالة

ولا حياة لمن تنادي
 

abaalroos

عقاري
هذا يبيك تطلع بس

مو فقط زياده للزياده

يبدو بينكم تفاصيل مانعلم فيها

ولكن ولله مشكله وعظم الله اجرك

حتى النقل يكلف الان
 

Rootshll

عقاري
ماعليك منه ولا تشيل هم
دق عليه وقول له ايجار موجود اذا تبيه تعال خذه وزود هلله ماني بدافع وذا ماعجبك المحاكم موجوده بجدرانها من شان تقبع براسك فيها اذا ماعجبك

وخله يشتكي اذا يبي ماراح يعطونه وجه والمحاكم ماتطالع الا لبو ثلاث سنوات وفوق

خذ العلم مني

تحياتي
 
هذا يبيك تطلع بس

مو فقط زياده للزياده

يبدو بينكم تفاصيل مانعلم فيها

ولكن ولله مشكله وعظم الله اجرك

حتى النقل يكلف الان

لا والله مابيني وبينه اي شي والدليل انه رفع على جميع السكان
 
ماعليك منه ولا تشيل هم
دق عليه وقول له ايجار موجود اذا تبيه تعال خذه وزود هلله ماني بدافع وذا ماعجبك المحاكم موجوده بجدرانها من شان تقبع براسك فيها اذا ماعجبك

وخله يشتكي اذا يبي ماراح يعطونه وجه والمحاكم ماتطالع الا لبو ثلاث سنوات وفوق

خذ العلم مني

تحياتي

والله ياخي مالي بالمشاكل وبعدين يبدأ يقطع المويه والكهرب ومن ذا السوالف هههه
 
أعلى