هيا معي نكشف أساليب شريطية العقار

نايف ابن موسم

عقاري متميز
هيا معي نكشف أساليب شريطية العقار


يا جماعة انا ادور على دبلوكس متلاصق

المهم اكتشفت حركه يسوونها بعض اصحاب المكاتب العقارية من ضعاف النفوس الذي ينسى انه خلق للعباده وليس للركض وراء الدنياء ولو بالغش والخداع والتحايل

يمكن الي اخبر مني يعرفها لكن بذكرها للي ما يعرفها

وبعض شريطية العقار ماهم بعيدين عن بعض شريطية السيارات
من حيث الاساليب واللف والدوران والتظليل
وقليل منهم النصوح همه ياخذ السعي وبس. لا مخافه من الله ولا حياء من الناس.

الطريقه وبالذات بالدبلوكسات الي شفتها

يطفي انوار دبلوكس ويسكر ابوابه ويقول هذا (تم بيعه) وباقي الملاصق له

بمعنى عندك عماره فيها أثنين دبلوكس متلاصق او منفصل

يطفي واحد ويقفل الابواب ويفتح الثاني للزبائن
ويقولك الجزء الثاني تم بيعه كذبا وزورا بداعي ترغيب المشتري للشراء
ولما يجزم الزبون ويشتري بحكم ان بيع الجزء الثاني شجعه على الشراء
ويتم البيع يفتح الشريطي الجزء الثاني ويشغل الانوار ويعرضه للبيع

ولما تسأله مو كان مبيوع؟
يقولك الرجال صار عنده تعثر في البنك او طلع عليه مديونيه ورفض البنك يموله ورجع سحب عربونه!!

وهو لا انباع ولا شي

ولما اخينا هذا يشتري يستخدمه طعم للجزء الثاني الي كان يقول انه مبيوع.

ولاحظوا يقفلون انوار وابواب الدبلوكس المرغوب مثلا على زاويه او يفتح جنوب او شرق
اولا: حتى يظن المشتري ان الناس سبقوه على الجزء الافضل
ثانيا: الشرطي إذا جاه زبون يسوق الجزء الي ممكن عليه اقبال اقل لان الي عليه اقبال اكثر هذا مضمون بيعه لما يكون المشتري الاول طعم للمشتري الثاني.

فليس من المعقول يسبقني مشتري ويشتري الدبلوكس الي بالوسط ويترك الي على زاويه بالرغم ان سعرهم واحده ومساحتهم وحده والبناء متصل وحتى الصك واحد!
شي طبيعي اول شي ينباع الافضل ويبقى الاقل منه.

فهم يسكرون انوار وابواب الجزء الافضل ايهاما للمشتري انه مبيوع فعلا
لكن لما يشتري يصير هو طعم للجزء الثاني.

على شان تشوفون صدق كلامي
خذوا لفه وشوفوا اغلب الدبلوكسات واحد يكون مطفئ الانوار ومقفل الابواب والثاني مفتوح.

لما يجي الزبون يقوله الجزء الثاني خلاص انباع!!
والمسكين ينبسط ان فيه احد يشجعه على الشراء بالذات إذا كان ما يفهم بالعقار يدور اي شي يقنعه بالشراء او صرف النظر.

ايضا تنطبق الحيله على الفلل المتجاوره وتصميمها واحده ومساحتها وحده. في حال كان صاحبهم واحد.
يقفل فله ويقولك مبيوعه ويبيع عليك الثانيه وتصبح انت طعم ويفتحها بعد اتمام البيع ويقولك صاحبها رجعها عنده مشكله!

الي خلاني اكتشف هذا الشي واصدق فعلا انها حيله
اني طلعت اشوف دبلوكس قالوا الي جنبه تم بيعه
بالرغم ان عنده لوحه مكتب آخر.

من بكره اتصلت على المكتب الثاني قالي لا القسم الثاني هو الي اتوقع انباع!!

ياليت الاخوان يعطونا بعض الاساليب من بعض الشريطيه اللعابين الي ما يخافون الله.

اسأل الله لهم الهدايه.
منقوووووووووول
 

نمار 1

عقاري متميز
طيب انت أصلا ليش تروح للمكاتب تشري وانت مسنتر اربعه وعشرين ساعه في المنتدى تقول للناس لاتشرون والعقار بينهار
ليش كلامك متناقظ
فعلا أتضح لي من اغلب المرجفين في المنتدى انه يوصل رساله للناس ان العقار بينهار وهو يلف المكاتب العقاريه يحاول يشري ارض او منزل
 
طيب انت أصلا ليش تروح للمكاتب تشري وانت مسنتر اربعه وعشرين ساعه في المنتدى تقول للناس لاتشرون والعقار بينهار
ليش كلامك متناقض
فعلا أتضح لي من اغلب المرجفين في المنتدى انه يوصل رساله للناس ان العقار بينهار وهو يلف المكاتب العقاريه يحاول يشري ارض او منزل


:D:D:D:clapinghand:
بشويش على نايف بشويش:p5088:
كان من الافضل يانايف ان تقول::
(هيا معى نكشف انفسنا امام الجميع:021:)...
خلاص
بعد استطلاع ابوعمر:clapinghand:
انكشفتوا وعلى الهواء مباشره
:p5088:
 

b52-f16

عقاري نشيط
جزاك الله خيرا أخ نايف على حرصك ونصحك لإخوانك القراء
 
والنتيجة كشفت نفسك الله لايبتلينا

لذلك أنصح نايف ان يغير عنوان موضوعه الى :::ـ

هيا معي نكشف أنفسنا امام الجميع:p5088:
ونتوب الى الله توبة نصوحه
ونبطل سنتره
:)
 

مازن ابوعمار

عقاري متميز
هذي حيلة من حيل شريطية العقار

بالنت تلقى فله لها سعر ولما نفر بالمكاتب حولين الفله تحصلها اقل بخمسين الف

او حتى ارض

المهم بالنهاية يبيع ماليس له

لذلك انصح من يشتري لازم يتواصل مع المالك مباشرة من دون الشريطي عشان يتأكد

وشكراً على الموضوع
 

ابومشاري البراق

سبحان الله وبحمده
طيب انت أصلا ليش تروح للمكاتب تشري وانت مسنتر اربعه وعشرين ساعه في المنتدى تقول للناس لاتشرون والعقار بينهار
ليش كلامك متناقظ
فعلا أتضح لي من اغلب المرجفين في المنتدى انه يوصل رساله للناس ان العقار بينهار وهو يلف المكاتب العقاريه يحاول يشري ارض او منزل
كل واحد له الحريه يلف وين ما يبي انت خليت الموضوع شرق ورحت غرب رجال يطرح خدمه لمن يفكر ان يشتري وهو فضحكم وشوف الكم الهائل من ابو شرطه يبي يلحق قبل يحاول ان يغير اتجاه الموضوع ويحرفه عن هدفه وهو فضح اساليب النصب انتم تحاولون تغيير الموضوعات التي تصيبكم بقوه وتفضحكم الى مهاترات وشغل قروبات تتهجم ولاكن هذا الاسلوب انتهى واصبح قديم حاولو تشوفون طريقه اذكى من هذه الطريقه لانها طريقة العاجز وضعيف الحجه
 

@الحربي @

عقاري متميز
يا كاتب الموضوع حط (منقووووول) بالخط الاحمر على شان بعض الاعضاء ما عنده فرامل
 
الحالة
مغلق و غير مفتوح للمزيد من الردود.
أعلى