فلل وشقق للبيع
مخطط المدائن جازان

يا اخوااان المقاول سرقني ... الله يرحم والديكم افيدووووني

مكتب حبل قنبع

عضو جديد
السلام عليكم ...
انا اعرف ان فيه مقاولين في المنتدا يخافون الله اتمنا يدلوني ..

يا اخوان عندي عماره ... بشمال الرياض كان يشتغل فيها مقاول باكستاني بعقد رسمي بيننا.. وصل الين الدور الاول ووقف وسحب عمالة لانة اخذ الدفعات كامله اول باول وبشيكات .. وبعدين قام يماطلبي لي شهريين .. وانا اترجاه يكمل قال ماني مكمل فلوسي وفي جيبي ليش اكمل ..
وهو يقول رح دور على مقاول والا رح الشرطة اشكني .. بكل بجاحة ويم قلتلة بشكيك قال اذا ما تعرف احد انا ارسلك لواحد وقلة اني من طرف الباكستاني محبوب .. وهو بيخدمك .. هذا كلامة بكل بجاحة ..؟؟

يوم شكيت قالو رح المحكمة المستعجلة وقدم معروض ..؟؟
يا اخوان عطوني صيغة للمعروض الله يوفقكم



اخر تحديث للقضية
ابشركم ....
ابشركم ... بخصوص المقاول الى سرقني


مايضيع الحق عند الله ثم في حكم بن سعود ادام الله عزهم ... صدر الحكم من المحكمة ..
1- تم تغريم المقاول 28 الف مقابل ماسرقة .. اضافة الى غرامه كل يوم ب500 ريال عن تاخير عمل بعد العقد حتى انتها العمل ((حسب شروط العقد) بالعربي جنا على نفسة والفلة طعت ببلاش هذي نهاية كل مقاول حرامي ... يا ناس الى يبي يبني نصيحة يوثق عقده بالغرامة عشان ينضبط المقاول لا تتساهلون الامر ..
2- اكمال البناء اجباري او يتم تكليف مقاول على حساب المقاول الاول
3- تعليق نشاط المؤسسة من اعمال وختوم وتم اشعار مكتب العمل والجوازات بعدم سفر المقاول في قضية منضوره.. حتى تنفيذ الحق الخاص للمالك والايفاد عن طريق لجنة وخطاب موقع من المالك باستيفاء جميع حقوقة
....
قبل يومين
وبداء المقاول بالعمل غصباً عن خشمه نزل 4 نجارين ... وامس نزل 5 حدادين وموعد الصب بكره السبت .. والمهندس واقف على روسهم في كل مسمار يطقونة ..

ملاحظة ..
انتم في بلاد العدل بلاد الحرمين
هذي نهاية كل مقاول حرامي ... يا ناس الى يبي يبني نصيحة يوثق عقده بالغرامة عشان ينضبط المقاول لا تتساهلون الامر .. لان المقاولين في البداية تللاقية مثل الحمل الوديع وبعدها تلاقيه مثل النصر الجارح ينهش بلحمك وانت مقهور
انا ربي نصرني علية ثم العقد الى وقعتة والغرامات 500 ريال عن كل يوم وهو متاخر الحين 38 يوم في 500 ريال + 28 الف ..= الحره الى بقلبي انطفت
 

العجران

العجران
الله يكون في عونك
 

ماجد الغبيشي

مقاولون في جده ومكه
اعقب اعقب ياهالباكستاني الملعـــــــون
شف طال عمرك مامعك الا تروح لصاحب المؤسسة والله
يعينك إذا ماطلع آدمي فيه خير راح تتعب كثير .

هذا وانا اخوك كله بسبب سجل ابو الف ريال
المفروض ماحد يفتح مؤسسة مقاولات الا ودافع ضمان لايقل
عن 300 الف ريال على اساس لو عليه مطالبات
يقصوها من الضمان البنكي - لكن بلد ضايعه

 

المقاول ابو رمزي

المقاول أبورمزي0550439588
إذا العرب من ابناء جلدتكم ماهو الكل مضمون كيف عاد لو كان من العجم الله يكون بعونك والله النصب جريمة كبرى الله يلعن الباكستاني إذا عايل عليك ولا ينشاه خير بعون الله
 

8 ملي

عضو جديد
ماضاع حق وراه مطالب
دورلك دعوجي ووكله عليهم
 

المجالي5

المجالي5
اشتك على مكافحة الفساد ترى الشريف اطلق من الشرطة راح يطبطبون عليه ويقولون تكفى كمل للرجال !!!
المفروض يكمل ويدفع غرامة عن كل يوم تأخير !!
ويرحل !!!!
كفاية تستر اهلكنا التستر !!!
 
المشكله الناس تدور على المقاولين الأجانب
وتحصله اصلا كان عامل ولا سائق وتطور
وصار مقاول وكل السالفه ان المقاول السعودي
سعره يمكن يزيد عن هالعامل ٢٠ الف ريال لان
المقاول السعودي عندة عمال ومكتب
ومؤسسة رسميه مستحيل يصير نفس
سعر هالمقاول اللي ماعندة اي ضمانات
(هذه نتيجه متوقعه وحاصله كثير)
لا تشتكي الاجنبي لان مالك حق تشتكي عامل بل
اشتك الموسسه اللي كتبت باسمها العقد ان كان فيه
عقد مكتوب على مطبوعات المؤسسة
الله يعينك
 
طيب اذا تعرف مكانه امسكه وجب ناس تعاونك عليه ولا تفكه الا بالتوقيف كفايه تستر وعطف ورحمه بالاجانب اللي اكلو الشعب وهذي نتيجه اللي يتعامل مع مؤسسات وهميه اخر الشهر 200 حتى السعودي عندهم صار
مجرد أمعه ياليت الكل يحارب العماله الللي تشتغل لحسابها وهذي اخرتها الله المستعان
 

sajeey

عضو جديد
والله هزلت ولكن ما نقول الا من آمن العقوبة أساء الأدب . والله يعينك على الطلايب بجميع أنواعها وفي جميع الجهات ولكن اذا قررت الشكوى فقدمها لديوان المظالم الدائره التجارية أراها أقرب للمشكلة . واما الاخوان الذين قالوا سعودي وغيره مع احترامي لهم والكثير منهم فيهم خير أن شاء الله ، ولكن يجب أن نعترف أننا أصبحنا يأخوة يتعلم منا أخواننا في المشرق والمغرب اصول وفن النصب والاحتيال مع الأسف الشديد .
 

مرفوع هامه

عقاري متميز
الحقيقه ما ودي اشمت فيك واقول تستاهل لأنك فعلا تستاهل اللي صار لك ليش تترك المؤسسات النضاميه اللي اصحابها يتابعون شغلهم ب؟أنفسهم وتروح تبحث عن الاجنبي طبعا اكيد تبحث عن الرخيص ويمكن واحد مزكيه عندك على العموم عليك بمكتب العمل وقدم بلاغ تستر وعليك بالمحكمه وطالب بتنفيذ العقد اذا كان العقد يتضمن شروط تأخير طالب تطبيقها وعسى غيرك ياخذ عبره ويبتعد عن التعامل مع الاجنبي وابو الفين اخر السنه
 
أعلى