شوركم يا اخوان في مشروع اسكان الرياض "نبض قيران" اخوكم غشيم

  • بادئ الموضوع goteeam
  • تاريخ البدء

goteeam

عضو جديد
السلام عليكم

كيف الحال اعزائي وكل عام وانتم بخير
عندي استشاره وابغا رايكم وفي رمضان الفضل هذا ارجو عدم الرد من الناس الي ما عندها علم او لها اهداف اخري

توجهت الي مشروع نبض قيران في الرياض وحجزت تاون هاوس سعره حول 640 الف
طبعا قبلها كنت ادور في عرقه واحياء اخري لقيت ب مليون ونصف شغلات حلوه جدا رحت اخذ قرض عقاري علي 20 سنه اقل بنك بيباخذ فايده مليون وميتين !!

فحسيت انه مالي الا بيوت الوزاره حقت مشروع سكني فتوجهت لنبض قيران وحجزت تاون هاوس الي الان لم اتوجه للبنك دعمي 35% ولكن قرض 640 الف علي 5 سنين ممتاز مع دعم الوزاره

هنا راي في كذا شغله وياريت تصححوني
- موضوع البعد, صح انه المشروع بعيد ولكن البعيد يقرب بعد سنوات فالياسمين كان يوم من الايام بعيد
- كوني اخلص تقسيط تاون هاوس في 5 سنين فهذه نعمه كبيره جدا وبفوايد ميسره من البنك
- التاون هاوس 280 متر ولكن 3 ادوار فاشوفه ممتاز جدا
- بما اني اخترت من الدفعه الاخيره الي بتجهز التسليم بيكون 2021 علي وقتها بتكون المنطقه تعمرت اكثر
- الحي فيه مدارس ومتخوف منها بامانه لكن العلم عند الله
- لا اري اي خيار اخر غير مشاريع الوزاره غير كذا لو اخذت بيت جاهز البنك بياكلني 20 سنه واخترت نبض قيران لانه الاقرب

شرايكم يا اخوان في قراري وتوقعاتكم ,, توقعي انه المنطقه سوف تكون حيه والتاون هاوس الي اسعارها 640 بترتفع بعد ثقه الناس بالمشروع والمنطقه والحي ,,

وشكرا
 

kaaj2000

عضو جديد
توكل علي الله المشروع ممتاز وانا اخذت فيه وسالت عنه مميزاته المستقبليه ممتازة

-موقعه يعتبر ممتاز وهو افضل موقع لمشاريع وزراة الاسكان
-سعر الارض في ارتفاع حاليا وتقريبا اليوم ب ١٥٠٠ ريال المتر وبعد سنتين اكيد في ارتفاع
-حديقة الملك سلمان الجديده والتي سوف تنتهي المرحلة الاولى في ٢٠٢١ والمرحلة الاخيرة في ٢٠٢٤ تبعد ١٠ دقائق بالسيارة وتعتبر اكبر حديقة عاليمه
-الحي متكامل وبين اهم الشوارع في الرياض ( طريق الملك عبدالعزيز و طريق العليا العام )
-الوادي المطور والمقدر تكلفته ٢٠٠ مليون في مخطط المشروع
-تصميم الفلل ممتاز ومناسب للمجتمع ( مدخل رجال و مدخل نساء ومجالس مستقله )
-سعر الفلل في حي العارض والذي نفس المشروع يقع فيه حاليا مليون و١٠٠ الف ريال لمساحة ٢٢٠ متر بينما تقريبا في المشروع بنصف القيمه ونفس المساحة والجوده افضل بحسب اشتراطات وزارة الاسكان للمشروع
-بعد سنتين من الان المترو قريب في بدايه طريق الملك سلمان
-استلام السكن بعد استكمال المشروع تقريبا حي متكامل من مدارس واسواق ومساجد وجوامع ومركز صحي حكومي وهذا يجعل المالك في اطمئنان بعمل تنظيم وترتيب وبدون عشوائيه وتباعد المرافق كالبناء الذاتي في احياء جديدة
 
أعلى